شبشب 33

فى قعدتهم الرومانسيه على الكافيه إياه و زى كل مره استأذنته تروح الحمام تظبط الميكب بتاعها..
مسك موبايلها اللى سابته على الترابيزه قدامه (نسيت تاخده معاها طبعا) و قال فى باله..يا ترى حبيبتى مسجلانى بإسم ايه ؟ ممكن يكون حبيب عمرى ؟ ولا حياتى ؟ ولا يمكن قليى..
بص لقى واحد بإسم الحمار التانى،قال ده اكيد واحد بيعاكس كتير و ده انسب اسم له و للى زيه..بيدور تانى لقى واحد اسمه المقرف رقم سبعه،يا عينى عليكى يا روحى،كل دى ناس بيضايقوكى؟ماهو من طيبة قلبك و جمالك،اكيد ده زميلها فى الشغل،اصل هما الزمايل كده طلباتهم كتير و مش بييجى من وراهم مصلجه..بيدور كمان لقى رقمه مسجلاه الخروف رقم اربعه،عين صاحبنا برقت و وشه احمر،انا خروف؟ طب ليه؟ يمكن عشان بشتغل لها سواق هى و عيلتها و مش بتأخر عن اى توصيله مهما كانت المسافه؟ و لا عشان مخليانى بدل المحفظه، بتدفع منها كل طلباتها ؟ ولا عشان شايلها من على الارض شيل؟ انا استاهل،انا اللى عملت فى نفسى كده..
حط الموبايل تانى مكانه لحد ما رجعت ؟ هاااى حبيبى (ثم لحظات صمت)
انت مش بترد عليا ليه؟
انتى مسجلانى على موبايلك خروف رقم اربعه؟ (بنبره فيها شوية غضب) انتى ما تستاهليش اى حاجه بعملها علشانك.
حبيبى (بشوية دلع) ليه تاخدها بالشكل ده ؟ هو الخروف وحش ؟ ده حتى جميل خالص و فروته تجنن،و بعدين ده تمنه غالى يعنى انت غالى عليا.
يعنى انتى مش قصدك حاجه وحشه يا روحى؟
لا طبعا يا حبيبى و بعدين يللا بقى نقوم عشان انا كده إتأخرت،هتوحشنى يا بيبى،يا خروفى يا عسل انت.
كلمينى يا روحى لما الكل ينام عندك،ما بعرفش انام من غير ما اسمع صوتك.
ركب عربيته و سعادة الدنيا فيه،و فجأه عينه جت على الساعه اللى قدامه،الساعه بقت تسعه،انا كده اتأخرت،شبشب رقم 33 زمانها ملطوعه من بدرى

كل واحد جواه حكايه و صاحبنا ده وراه الف حكايه،الحكايه مش بالمظاهر و لا اللى ظاهر..ناس بتتظاهر و ناس تانيه عباره عن مناظر..
الحكايه ما خلصتش بس انا حلفت ما اكملش،كل مره حكايه جديده بس يارب تكون عجبتكم القديمه

التعليق من فيس بوك


Like
Like Love Haha Wow Sad Angry
1

تقييم القراء. من فضلك قيـم هذه المقالة :
نجمه واحدهنجمتان3 نجوماربع نجومخمس نجوم6 نجوم7 نجوم (2 صوت, بتقييم: 4.50 من 7)
Loading...


عن الكاتب