قوة الثقة بالنفس

قوة الثقة بالنفس
157
6

النهارده هتتعرف فعلا علي صفة من اهم الصفات اللي حقيقي هتساعدك تنجح في حياتك

هتقدر من خلالها انك تدوق سحر النجاح في كل شئ ما شئ علي وجه الارض والا هتنجح فيه طالما امتلكت هذه الصفة

لذلك اقرا المقاله بتركيز و حاول تعيد قراتها مره اخري حتي تزداد فرصه استفادتك منها ان شاء الرحمن .




*لازم تعرف ان الثقة بالنفس اساس النجاح . لو عندك مهارات و شهادات علمية كبيرة جدا بس الثقة عندك ضعيفة او مش بالقدر الكافي فاعرف انك مش هتنجح في حياتك بالقدر الكافي .

*خليني اقولك ان الثقة بالنفس مهمة في كل جوانب حياتك في بيتك وانت بتتعاملك مع اسرتك و انت في شغلك و انت بتتعامل مع مديرك اكيد لازم تكون واثق من نفسك في المواقف دي خاصه كمان لو عندك مقابله عمل و رايح تتقدم لوظيفة . في مدرستك في جامعتك لو كنت طالب و بتدرس في معاملتلك مع اصحابك انت محتاج الثقة جدا في حياتك .

*قبل ما نبدا في كلامنا عن اسباب ضعف الثقة بالنفس و طرق علاجها خليني اقولك معلومات مهمه جدا لازم تعرفها في البداية :
1*ان الثقة بالنفس موقفية : بمعني انك ممكن يكون عندك ضعف في الثقة في موقف معين ده مش معنه خالص انك مش واثق في نفسك . علي سبيل المثال ممكن تحس انك مش واثق في نفسك اوي و انت بتتكلم قدام الجمهور مثلا .
2* الثقة بالنفس مكتسبة : يعني تقدر تكتسبها زي اي مهارة . زي مثلا مهاره الاقناع و التاثير في الاخرين كل دي مهارات انت تقدر تعلمها .
3*الثقة بالنفس موجودة عند كل الناس بس بنسب مختلفة يعني انت عندك نسبه ثقة و لازم تنميها .

*من اسباب ضعف الثقة بالنفس :
1*كلامك السلبي عن نفسك : بمعني انك بتتكلم عن نفسك بطريقة سلبية جدا زي مثلا بتقول لنفسك انا مش هقدر – انا ضعيف – هم افضل مني اكيد
وهقولك نقطه مهمه جدا ( ان عقلك الباطن مش بيفهم كلامك هو بيطبقه حرفيا بدون تفسير ) قوله انا ضعيف هتلاقيه بيمدك بكل مشاعر الضعف و الانهزام .
2* مقارنه نفسك بالاخرين بهدف التقليل من نفسك : يعني انت بتقدر نفسك باشخاص ممكن يكونوا اعلي منك فعلا لكن انت هدفك من المقارنه دي انك تثبت لنفسك انك اقل منهم فعلا .
3*الخوف من حكم الاخرين عليك : انك تخاف انهم هيقولوا عليك ان كذا لو عملت تصرف معين و ده طبعا هيخليك تعمل ان تصرف و انت حاسس انك متراقب و خايف منهم .
4*التربية الخاطئة من الاسره : ان الاسره بتربي الطفل من البداية ان يكون تابع ليهم ومعندوش فرصه ان يعبر عن رايه و ده بياثر سلبي عليه لما بعد كده .

حلول لتقوية الثقة بالنفس :
1*تقبل نفسك : اقبل نفسك زي ما انت . تقبل شكلك و صوتك و اسلوبك
2*قدر نفسك و حبها و سامحها
3* ركز دايما علي نقاط القوة اللي عندك
4* توقف عن اللوم الشديد لنفسك
5*توقف عن الحديث السلبي عن نفسك
واستبداله بعبارات ايجابيه قول لنفسك دايما (انا قوي – انا قدها – انا استطيع )
6* اربط ثقتك بنفسك دايما بربك و خليك واثق ان ربنا معاك دايما و ردد دايما (اني معي ربي سيهديني )

و افتكر دايما ( ان بالثقة بالنفس ياتي النجاح و ليس العكس )

انصحك بقراءة مقاله  سيكولوجية النجاح

التعليق من فيس بوك

6

تقييم القراء. من فضلك قيـم هذه المقالة :
نجمه واحدهنجمتان3 نجوماربع نجومخمس نجوم6 نجوم7 نجوم (1 صوت, بتقييم: 7.00 من 7)
Loading...

عن الكاتب

ESlam Khames
كاتب و محاضر في مجال التنمية الذاتية و الصحة النفسية درس الصحة النفسية و علم النفس في كليه التربية رسالتي : احداث التغيير الايجابي في حياة الاخرين و مساعدتهم علي الانتقال الي اعلي درجات السواء النفسي
  • تواصل مع ESlam khames: