تعالى هنا و انا اقولك ……. الحقيقه بالنسبالى

تعالى هنا و انا اقولك ……. الحقيقه بالنسبالى
10464046_256609734525727_4031615600114463714_n
modi safwat
1

الناس هنا عامله زى الملقاط . مبتعملش حاجه غير انها بتلقط اخطاء الاخرين , فلانه عملت و فلانه سوت , ومن ضمن كلامهم : شوفتى مش عارف مين و هى ماشيه مع مين .

مفيش هنا  اى  حد بيسكت ( يضع لسانه فى حلقه ) .

الصمت اول حاجه هعلمها لأولادى و اى حد سوف يرتبط بى , نفسى نعمل قانون لمنع الكلام ,واللى يتكلم عن حد مش موجود يتعاقب بدفع غرامه ماليه عن كل شتيمة .



نفسى افهم ليه محدش يبقى فى حاله ليه فاكرين الدنيا كلام بس ( خلطبيطه يعنى ).

اول اما بنت تخرج : رايحه مدرسه او زياره لاى حد من قرايبها , تسمع شوية كلام ( عنب ) بسم الله ما شاء الله و منها :

لو خارجه بدرى : – ايه اللى مخرجها بدرى هى مفيش بيت يلمها .

لو خارجه متأخر : – ايه اللى مخرجها متأخر فى بنت متربية تعمل كده .

لو وقفت فى الشارع اطلع موبايلى من الشنطة يبقى واقفه عشان تكلم حد او هتطلع الموبايل تكلم حد .

ليه كده ليه سيره الناس بقت لبانه بناكلها فى اى وقت فاضيين فيه .

ليه منمشيش فى الشارع فى حالنا مش عمالين نلقط غلطات للى حوالينا عشان نتكلم عليها حتى لو مش غلطات , بس احنا عايزين نتكلم و خلاص .

بنبقى حاسين بوقت فراغ فنتكلم عن اى حد بس : ( لازم يبقى الشخص ده عمل حاجه غلط عشان نعرف نتكلم عليه . ده ملحوظه بس ).

خلينا احسن نعمل اى حاجه صح , نفسى نعمل اى حاجه صح .

فى وقت الفراغ نمارس موهبه حلوه بدل كلام الناس و ده كلمه عن كلام الناس لكاتب كبير مشهور : ( كلام الناس لا بيقدم و لا يأخر كلام الناس ملامى و غيره مش اكتر ).

فياريت نبدأ بنفسنا و منتكلمش على حد لا بالخير و لا بالشر .

انا هبدأ بنفسى و ياريت انتو كمان تعلمو اولادكم ميتكلموش على حد لان كما تدين تدان .

modi safwat

التعليق من فيس بوك

1

تقييم القراء. من فضلك قيـم هذه المقالة :
نجمه واحدهنجمتان3 نجوماربع نجومخمس نجوم6 نجوم7 نجوم (1 صوت, بتقييم: 7.00 من 7)
Loading...

عن الكاتب