خطورة غياب الأهل

خطورة غياب الأهل
1-missing-parents-03-12-2015
نور الزيني
1

 

الاهل هما اكبر سند وضهر لاي بني ادم بس الوقتي لو حاولنا ندور على اصل المشاكل اللي بنقابلها هنلاقي ان اغلبها بسبب غياب اهلنا رغم انهم عايشين

اعتقد ان في حاجات كتير كانت هتبقى احسن لو لقينا اللي يقف جنبنا منهم



عدم وجود الاهل ف حياتنا بيخلينا ضعاف جداا ،قلبنا بعدها بيتكسر بسبب الناس بسرعه باعتبار انه اتكسر من اهم ناس في حياتنا وبعدهم الناس بقت تدخل وتخرج من حياتنا مهما كانت درجه وجعنا عمرها ما بتبقى قد الوجع بسببهم

 

الولد اللي فجأه بنلاقيه مع اصحاب مش كويسين وبيعمل ذنوب وبيشرب سجاير واحيانا مخدرات

اللي بيعاكس ويتحرش ،الولد اللي ممكن يعمل اي حاجه غلط طول ما اهله مش شايفينه

 

البنت اللي بتهرب من حياتها وبتلجأ لاي حد يسمعها ويحسسها انها مهمه بالنسباله من غير ما اي يزعق ويضرب ويتعصب

اللي بتحل مشاكلها لواحدها خوف من انها تحكي ف الغلط يطلع عليها

بتصاحب وتدور على اي حد تحبه حتى لو بيكذب عليها ومش بيحبها بس بيقولها كلام محتاجه انها تسمعه علشان تعيش حتى لو هتعيش ف وهم

 

احنا بنعاني بسبب اهلنا وموجوعين بسببهم وجع هيفضل طول العمر سايب علامه ف قلوبنا ،احنا كل يوم بننام بدموعنا علشان بندور عليهم وهما ف نفس البيت معانا ومع ذلك بنتوه ومش بنلاقيهم ، احنا الناس بتدوس علينا وعلى قلوبنا علشان شايفين ان احنا لوحدنا من غير سند ومن غير حد ياخد حقنا ، اكبر وجع ف حياتنا هو غيابكم ومهما حاولنا نحسسكم ب ده مبيحصلش اي حاجه ، احنا بنخاف منكم ومبنطمنش بوجودكم وبنحس كتير ان احنا أيتام

اعتقد لو حد سألنا امتى اخر مره مامتك او باباك حضنك واتكلم معاك مش هنفتكر لان وقتها كنا صغيرين جدا

 

غياب الاهل بسبب انهم مبيعرفوش يتكلموا معانا واي حاجه لازم تتنفذ من غير نقاش

نظرتهم لاحتياجتنا بتتمثل في الفلوس والماديات ،عمرهم ما فكروا ان احنا مش محتاجين حاجه غيرهم

الاهل بيخوفوا ولادهم منهم لدرجه ان اي حد بيغلط وبيعمل ذنوب بيعملها وهو مستخبي منهم حتى لو مكشوف قدام ربنا مبيفرقش معاه

بيخافوا من اهلهم اكتر من خوفهم من اللي خلقهم

 

المشكله دي هي اللي بتخلي كتير مننا يغلط ويرتبط ويتوجع بسبب الناس

هي اللي بتخلينا نتعب ونكتأب ونفكر ف الانتحار او نفكر امتى هنسيبكم

الفرق بينا ف النقطه دي ان في اللي بيغلط طول حياته وفي مننا اللي بيوجه نفسه للصح

ارجوكم حاولوا تهتموا لو ليوم واحد ،حسسونا ان احنا منكم ،احضنونا واسمعونا ،افهموا احتياجتنا ومشاكلنا ، متخلوش اي حد ياخد مكان من قلوبنا غيركم ، متخوفوناش من كل حاجه بس علمونا ان احنا نخاف ربنا ف كل حاجه بنعملها

الاهل هيفضلوا الجزء الاكبر في حياه وقلب اي حد بس تفرق لو هيملوا الجزء ده وجع ولا حب

 

التعليق من فيس بوك

1
المصدر: نور الزيني

تقييم القراء. من فضلك قيـم هذه المقالة :
نجمه واحدهنجمتان3 نجوماربع نجومخمس نجوم6 نجوم7 نجوم (2 صوت, بتقييم: 7.00 من 7)
Loading...

عن الكاتب