البداية

البداية
mostafa . nagy

انا مش كاتب  ولكنى اردت ان افعل شى جديد فقررت ان اكتب بطريقتى حته ولو كانت كلها غلطاتات املائيه من حق كل الناس تشوف كل حاجه زى متعملت بظبط من غير تزويق وله تجميل …..

البداية كانت مع اول يوم لى فى المدرسه الى انا مش فاكر منها اى حاجه وله فاكر انا دخلتها ليه اصل بس الظاهر عشان ادخل الجامعه لازم امر على المدرسه الابتدايه وبعدين الاعداديه وبعدين الثانويه وطبعا انا مش فاكر كل دول لان التعليم علمنا ان دى مراحل بتمر بينا عشان ورقه تعدينه للمرحله البعدها

البداية كانت اول مره طالع رحله .. اه لسه فاكر لهفتى طبعااا صاحى قبلها معدها بحوالى 5 سعات والوقت مش عاوز يجرى واعيط وبطنى توجعنى وبردو ماشى على مهله



والبدايه بردو لم جيه معاد الرحله واول موصلت لقيت الوقت عده من غير  ماعرف  … وكانو ضحك على وعمال يضحك وهو معدى .

البداية لم دخلت المرحله البعدها الاعداديه والحاجه الى فاكرها كويس فرحت امى بالموضوع ده وحصه العاب والرسم بس المهم بقا فى كل دول انى الوقت جرى كالعاده ولقيت نفسى فى بداية جديده

هى انى دخلت مرحله جديده وهى الثانويه التجاريه فى الوقت ده متزكر كويس حجات كتير فاكر انا كام مره خلعت من المدرسه ورحت لعبت كوره وفاكر كام مره مرحتش اصلا وفضلت اتمشى على الكورنيش وفاكر كام مره اتخنقت واتعورت  لان غالبن كنت انا الى بضرب ديمااا وفاكر انى ديمااا كنت بحب ارسم وانا بذاكر   وافوجا انى برسم فى كشكول الفصل وانو باظ  …. وكالعادى كل مره اتهزاء على ان ادى الكشكول لمدرس عشان يشوف الواجب ويلقى فى خلفيات طبيعيه خلف الواجب ……

والبداية كانت وانا واقف الصبح قدام المراية كنت بلبس عشان رايح اول يوم الجامعه   وبكلم نفسى من جوه بكلم الوقت الفجاه جرى  وبقا  الساعه 12 دانا لسه صاحى لحت تجرى الوقت ليه مش مستنى طب اضحكى على واستنى شويه بلاش تفجينى كده وكان الوقت بيقولى غصب عنك هجرى ووسع كده عشان الحق اعدى …طب ليه يهديكى انا نفسى اعمل حجات كتيره اووى النهرضه خليكى ووحد وحده كده خلصت لبسى وكالعاده الوقت عدا وجرى والساعه من 12 بقيت الساعه 2 يوووه وبعدين بقا طب اعمل فيك ايه انا حته لسه مفطرتش ….. شويه منى على شويه منه بردو عدى وجرى وانا لسه بكلمه ……
وياااه على اول بداية ليه فى الجامعه .. اول يوم دراسه فى الجامعه ياااااااااااه … طبعاا الطبيعى اكتشف ان كلو داخل الجامعه عشا ن يعرف بنت دى كانت حقيقه الجامعه بلاش كدب بقا تحسى انا الولد  والبنت كان فرصتهم فى الجامعه انهم يتعرفو مكنوش جين يدرسو خالص عدو على اربع سنين مش فاكر منهم كتير لانى كنت بشتغل فى الوقت ده كنت بنزل على الامتحانت تقريبا

والبداية بردو لم خدت شهدتى وفجاه لقتنى رايح اشوف موقفى من الجيش وكانو ادانى اكبر قلم  ياعم دانا لسه كنت داخل لحته تجرى باربع سنين

طب انا عملت ايه فى الجامعه فاكر طيب وله ايه فكرنى كده انا عرفت حد هناك طيب حضرت محضره طب انا كنت بروح عادى ولا انت عديت وانا نايم وله ايه بس

والبداية بردو كانت اول يوم لى فى الخدمه العسكرى يوم مش طبيعى بالف يوم الوقت بقا انا كنت بتحايل عليه يجر وكالعاده يزلنى ليه يوم ……….
واول يوم ده واحد من صحابى حب يجملنى فدانى عود ريحان وانا شلتو فى منديل كده وقلت احطه فى كتاب الفيل الازرق كان معاى وفجاه قالو يعملولنا حفلة قدوم وطبعاا الى دخل الجيش  عارف كويس انا اقصد ايه وطبعا اول مشافو المنديل اللى فى الريحان كلو فهمنى غلط ومصممين ان ده بنجو بجدعان وربنا ريحان يقوليلى لا هتحلل وهتتعرض على قائد الوحده وربنا ريحان بردو الامن جيه وعادو تفتيشى تانى وفى الاخر جيه صول من الوحده الظاهر انو بيفهم فى الزرع شمو وقلهم اه ده ريحااان سعتها حسيت انى خلاص مش قاادر بس فجيت ان لسه مشوار طبعاا طول منا ماشى سمعت احلا كلام ……وحالينا مش فاكر اى يوم من ايام الجيش عدى على ازاى كانو عده بصروخ  رغم انى فاكر بس انى كنت بعد باليوم واليوم مش عاوز يعدى ازاى عده معرفش …..

والبداية بردو وانا قاعد دلوقت وبكتب اول مقال انا مش فاهم ليه بكتبه بس اهو عده بردو وخلص ……….

التعليق من فيس بوك

المصدر: mostafa . nagy

تقييم القراء. من فضلك قيـم هذه المقالة :
نجمه واحدهنجمتان3 نجوماربع نجومخمس نجوم6 نجوم7 نجوم (1 صوت, بتقييم: 6.00 من 7)
Loading...

عن الكاتب