مالهم الرجالة ؟؟؟

مالهم الرجالة ؟؟؟

الرجالة فى المجتمع المصرى

الولد مامته تخلفه من هنا ويدوبك شنبه يطلع يعمل فيها 100 راجل فى بعض

ليه طيب؟؟


فى الارتباط

يرتبط بواحدة فى نفس السن تقريبا اعملى وسوى ومتعمليش واياك ولا واوعى

وياااه لو كلمة انا زعلت منك جت على بقه يانهار اسود بجد البنت تتفنن ازاى تصالحه وارجوك ومتزعلش وبلاش تخاصمنى وهو ولا اكن فى كائن حى مفقوع من العياط كل يوم بليل عشان سى السيد ميزعلش منها وممكن هى تزعل منه وتعمل زى ميعمل ورد فعله جهنم انت ازاى تعاملينى كده انا وانا وانا وهو مش فاهم ان دى نفس طريقته لكن انا اعاملك بيها انت تعاملينى بيها ليمكن.

فى الحياة العامة فى رجاله بقى المتحرشين

تعدى بنت من قدامه يعاكسها باى طريقة ممكنة وغير ممكنه

ولو بنت مؤدبة اتعاكست وضحكت او ابتسمت البنت دى مش كويسة دى مصدقت وكلام كتير ……

اما بقى المتحرشين اللى ييجى يقعد جنبك فى مشروع ولا شاف وشك حتى مجرد ان قاعد جنبه انثى يبدا التحرش بالرجل بالكوع بالايد طب انت ليه بتعمل كده طب مش حرام ده؟؟ طب ترضاها لحد تبعك خلاص وصل الجنون لغاية كده

انت كراجل مباح ليك تعرف واحدة و 2 و 3 و 100 لكن البنت اللى تجوزها لازم تبقى خام

مباح ليك كراجل تعمل علاقة غير شرعية مع بنت مش فاهمه انك بتلعب بيها بحجة الحب والجواز وتسبها عشان تتجوز بنت ملهاش علاقات

تجرح وتخون وتكدب وتغش وعاوز فى الاخر حد قطة مغمضة طب ازاى

الطيبون للطيبات فاهم الجملة دى

ربنا هيرزقك بعد كل ده بواحدة خبيثة تكون لافه ودايرة ومقضياها وتضحك عليك وتعرف تخدعك وتمثل انها بنت خام ومتعرفش اى حاجه فى اى حاجه

خلى بالك شوية عيب اللى بيحصل ده انت انسان وهى انسانه مش جماد

براحه على البنات شوية

ماهى البنت اللى مقضياها وعلاقاتها كتير وراها سبب والسبب لازم هيكون راجل خدعها وضحك عليها ومقدرتش تخرج من الدايرة دى انسحبت ليها

فكر قبل متعمل الغلط

كما تدين تدان

وكلمة راجل لازم تكون اد انك تشيلها

والرجال قليلون ……..

 

بريد الكاتب : ranaalghonemy(@)yahoo.com

التعليق من فيس بوك

Like
Like Love Haha Wow Sad Angry
1

تقييم القراء. من فضلك قيـم هذه المقالة :
نجمه واحدهنجمتان3 نجوماربع نجومخمس نجوم6 نجوم7 نجوم (1 صوت, بتقييم: 5.00 من 7)
Loading...


عن الكاتب

زائر

عضويه غير حقيقيه تنسب اليها المحتوى الذى يضيفه الزوار

  • تواصل مع زائر: