التصنيفات
آراء وخواطر مقالات للمرأه والبيت

العمر عدى ولا لمحته

انهاردة عيد ميلادى الاربعين وصادف انى كملت ١٧سنة جواز ياه عدى امتى كل العمر ده مرت عليا لحظات طويله شريط ذكريات مبهجة وحزينه احداث واشخاص وتفاصيل وفجأة فوقت وسيطر عليا شعور واحد بس                           أنا تعبانه

مين فينا مصحيتش يوم من النوم وهى مقررة انها مش هتكمل وان كفاية كده مين فينا محستش انها تعبت وزهقت واتخنقت انا زوجة وام وموظفه كل دول مع بعض كنت اتمنى يكون عندى رفاهية انى اخد قرار الانسحاب من المسؤليات والاعباء والالتزامات اسيب كل حاجة وامشى اروح مكان محدش يعرفنى فيه انام واقوم براحتى اعمل اكل او معملش اوحتى ماكلش خالص براحتى اتخلص من كل اعبائى زمان كنت بقول امتى العيال تكبر امتى ارتاح وكبروا العيال ومخدتش بالى انى كبرت معاهم وكبرت اعبائى ومتاعبى كنت دايما شايفة الناس فى الاربعينات كبار كده ووقورين بس انا مش كده انا حاسة انى لسه صغيرة عندى احلام واهداف واماكن عاوزة اشوفها لسه بدرى انا فى منتصف الطريق ولسه قدامى كتير انا ماكبرتش صحيح تعبانه ومحتاجة ارتاح لكن هكمل وهبقى اقوى وانضج واهدى مع انى لسه بكرر.    … العمر عدى ولا لمحته

 

 

بواسطة Samah ElNezlawy

كاتبه حرة وخبيرة نفسية فى شوؤن الأسرة والاستشارات الزوجية