تعرفي …؟!


تعرفي فكرة انك تسلمي قلبك لاي حد كده بسهوله !!
فكره وحشه جدااا
بمعنى ان اي واحد يقولك بحبك .. يدور على رقمك .. وع الاكونت بتاعك .. ويكلمك هنا ويكلمك هناك وانتي تحاولي تتقلي شويه وفي الآخر تقعي وتقولي اصله بيحبني اصله عمل كتيير عشان يوصلي

عمل ايه ياحبيبتي؟؟؟
مهما عمل معاكي هو قادر يعمل ده مع خمسين وحده غيرك
اه والله هو عاوز يرضي غروره ويرضي شهوته ويرضي نفسه قدام صحابه
ايوه انا الواد اللي مقطع السمكه وديلها 😎
..والله هو بيعمل كده عشان نفسه مش عشانك خاالص !!

تعرفي بجد اللي يوجع القلب ايه ؟؟
انك بتوجعي قلبك بنفسك وبتتعبي نفسك بنفسك 💔
..ليه كده تسلمي قلبك لاي واحد يقولك بحبك ؟


طاب لحظه كده هو ايه اللي خلاه يحبك اصلا؟؟

هنقول مثلا شكلك ومظهرك وحبك من اول نظره ؟؟!!!

..طاب انتي مصدقه يعني ؟
بالله عليكي هو انتي شايفة ان مفيش احلى منك وهو مش هيشوف وحده احلى منك لما يزهق منك ويروحلها ؟؟!!

ولو قولتي حبني عشان محترمه وشباب كتير حاولو يوقعوني وانا موقعتش ومستسلمتش لحد وهو شافني محترمه عشان كده حبني ^^

..طاب ياجميلتي انتي بعد م كلمتيه بقيتي ف نظره ايه دلوقتي هاه؟!
ماهو خلاص اللي حبك عشانه راح وانتي فقدتيه !!
الاحترااام انك متكلميش شاب متعرفيهوش
وصدقيني والله مهما قالك هو كذاب وانتي ف نظره مجرد وحده خانت اهلها وكلمته واستحاله ييجي انه يتجوزك

عارفه لو قولتيلي احنا غير اي اتنين وعلاقتنا غير اي حد وهو غير اي شاب ومحترم وبيحبني

..تصدقي بالله 99% من البنات اللي فاكرع نفسها بتحب بتقول نفس كلامك ده !!

انتي بس طيبه زياده عن اللزوم ومشاعرك رقيقه وبتتحرك لاي حد بسرعه💛

هتقوليلي طايب ماهو في كتييير حبو بعض قبل الجواز واتجوزو !!

..طاب تعرفي ان اللي اتجرحو بسبب الحب ده اكتر بكتييييييير اوي !!
..تعرفي ان 90% من اللي حبو قبل الجواز مش بيتم جوازهم اصلا !!
لان ببساطه مش هو ده النصيب اللي ربنا كاتبه وهي استعجلت اووي وحبت واحد عدى عليها بس ربنا فرق بينهم لانهم مشمكتوبين لبعض !!

وعدد قليل جداااا اللي بيتجوزو بعد علاقة حب وللاسف بقا انتي متعرفيش حياتهم بين بعض عامله ازاي !! مهما رسمو على الناس حبهم
هم علاقتهم مع بعض محدش يعرفها !!

عارفه لييييه كللللل ده بيحصل 👆
علشان هم خلاص استهلكو طاقة الحب اللي جواهم !!
عدت سنييين وهم عمالين يحبو ف بعض وخلاص اتجوزو ومفيش كلام ولا مشاعر جديده تتقال بعد الجواز 💔 خلاص بيزهقو من بعض 💔
وبعض الحالات والله اعرفها بيسيبها مرميه ف البيت ويروح يدور على مشاعر جديده بره وقلب جديد وكلام جديد يتقال ويسمعه !!
مفضلش #حب بينهم 😔

وبرضه كل المشاكل والجرح والزعل ده بيحصل عشان هي #زعلت ربنا ،، فتحت قلبها لواحد مش حلالها ،، اتكلمت معاه وربنا نهى عن الكلام مع اي واحد مش من محارمنا ،، الكلام نفسه يعتبر خلو حتى لو في الفون ،، والشيطان بيجر معاه ويجر كتيييير اوي حاجات وحشه واحيانا العلاقه بتطور
والبنت تفوق لما تلاقي نفسها خلاص غرقت💔

لما تبعدي عن ربنا ومتسمعيش كلامه طبيعي جدا متشوفيش حقيقته والشيطان يعميكي اوووي عن الحقيقه ويغريكي بالدنيا وينسيكي #الحلال #والاخره

اقولك حاجه؟ لو انتي مرتبطه بشخص وبتكلميه
فانتي اكيد مش بتصلي 💔وانا متأكده من كلامي ده

ولو فعلا مش بتصلي ف الحقي نفسك بقا واتأكدي انك غلط وماشيه غلط وحياتك غلط 👎وحبك نفسه غلط 👎
#اللي_ميقربكيش_لربنا_ابعدي_عنه_بسرررررعه
لو بتصلي بجد مكنتيش قدرتي تزعلي ربنا
وكانت صلاتك هتفوقك 💜
“ان الصلاة تنهى عن الفحشاء والمنكر” ايوه صح
بس الذنوب هتبعدك عن ربنا وعن عبادته ومش هتقدري تثبتي عليها ابدااااا❌
مهما حاولتي والله م هتقدري ❌

المشكله الكبيره بقا انك #تخسري الاخره 👆 والدنيا مع بعض
وكل ده عشان حب مزيف 💔

ضيعتي السعاده ف الدنيا عشان الحب ده وفاكره انه هيسعدك 💔
وضيعتي السعاده في الاخره عشان #وهم في الدنيا مش هيدوم 💔
ضيعتي كتييير اوي
فوقي بالله عليكي والحقي نفسك 😔

عايزه اقولكو حاجه بس
ان اللي بتتكلم معاكو دلوقتي دي مش ملاك ❌
انا بشر والله .. اكيد نفسي احب واتحب واسمع الكلام ده
واكيد بيتعرض عليه كتير اني احب واتكلم وكده
…..بس لا لا لا مينفعش
انا نفسي اسمع كلمة “بحبك” دي في الحلال وقدام اهلي ومبقاش خايفه وانا بسمعها 💚
نفسي قبل م اقوله “بحبك”
اقول يارب انا بحب الشخص ده احميهولي ❤

انا عندي 21 سنه وفكرة الجواز بعيده عني حاليا لظروف معينه
بس مهما الظروف طولت
ف انا عايزه افضل عفيفه كده
عشان ربنا يرزقني بواحد عف قلبه زيي
عشان ربنا يباركلنا ف حياتنا بعد كده
عشان احس بلذة كل حاجه ف وقتها 👌

انتو اخواتي وبكلمكو من قلبي والله
احفظو قلبكو ومتسلموهوش لاي حد
هتحسو بلذه اقوى واحلى من لذة كلامك مع اللي بتحبيه والله
…ابعدي واستني نصيبك اللي ربنا كاتبه اللي اكيد فيه خير ليكي “لان رب الخير لا يأتي الا بالخير”
وكمان “من استعجل بشئ قبل اوانه عوقب بحرمانه”
مش هتعرفي توصلي لرزقك وانتي بتعملي ذنب ❌
هتحرمي نفسك من الخير وانتي بتكلمي الشخص ده ❌
هتبعدي عنك اللي ربنا كاتبه وانتي معلقه قلبك بالشخص ده ❌

التعليق من فيس بوك

Please complete the required fields.
اختر سبب التبليغ واكتب تفاصيلة .. ويمكنك ايضا التبليغ بشكل اسرع عن طريق صفحتنا فى فيس بوك



Like
Like Love Haha Wow Sad Angry
1

تقييم القراء. من فضلك قيـم هذه المقالة :
نجمه واحدهنجمتان3 نجوماربع نجومخمس نجوم (1 صوت, بتقييم: 3.00 من 5)
Loading...


عن الكاتب