تغلب علي خوفك


تغلب علي خوفك
download

عشان تتغلب علي مخاوفك لازم تسال نفسك انت خايف من ايه ؟ هل فعلا يستحق كل خوفك ؟ في البدايه اول ما اتولدنا كنا بنخاف ان بابا و ماما يسبونا , خايفين نبقا لوحدنا كان الخوف هنا خوف من الوحدة او اننا نكون لوحدنا لحظة واحدة لذلك ساعتها الطفل بيكون شديد التعلق بوالديه و خاصه امه كان بيخاف انها تسيبه او تتخلي عنه .

بعد كده كبرنا شويه فتطور الخوف ده بقينا نخاف من الضلمه . سواء كنا لوحدينا او معانا حد

دخلنا الحضانه و المدرسه اتربينا علي اننا لازم ننجح ولازم نجيب درجات عالية عشان  منبقاش فاشلين . اتزرع داخلنا خوف شديد جدا الا و هو الخوف من (الفشل) . الخوف اللي بسببه كنا بنتوتر ايام الامتحانات اللي بسببه كنا بنفشل في بعض الاحيان لاننا ركزنا علي الفشل و علميا اللي بتركز عليه بيحصل في حياتك


كبرنا شويه اصبحنا نخاف خوف شديد من المستقبل اتزرع جوانا من الشيطان انك مش هتلاقي شغل و هو مش هتعرف تحقق احلامك ده بالنسبه للشباب , بالنسبه للبنات اقنعهم الشيطان انها مستحيل تلاقي شاب اللي هي بتحلم بيه و مهما تعبت او اتعلمت هتقعدفي البيت , ده غير انه اقنعها ان الحياة بعد  كده هتكون صعبه و مش هتكون قد المسؤلية .

من وسط المخاوف في قلوب ماتت نفسيا من كتر الخوف اللي اتزرع عندها ,اتصابت بالامراض النفس جسمية اصبحوا فاقدين لسعادة اللحظة التي يعيشونها الان . اصبحوا في سن الشيخوخه رغم ان اعمارهم لا تتجاوز العشرين . جذبوا لانفسهم المزيد من الامراض النفسيه التي وصل اقصاها للفزع الليلي و الخوف من المجهول

مع ان ربنا نهانا عن الخوف في كتابه و وضح لينا اثر خوف سيدنا يعقوب علي ابنه يوسيف و كانت النتيجه انه فقد لما خاف عليه من اخواته . و لما ظن ربنا خير و توقع الافضل و توقع انه سيعود له و زاد عنده اليقين بالله عاد له يوسيف .

ببساطه بطل تخاف . و اسال نفسك ايه اللي هيحصل لو حصل اللي انت خايف منه ….. مانت قدها 🙂

التعليق من فيس بوك

Please complete the required fields.
اختر سبب التبليغ واكتب تفاصيلة .. ويمكنك ايضا التبليغ بشكل اسرع عن طريق صفحتنا فى فيس بوك



Like
Like Love Haha Wow Sad Angry
11

تقييم القراء. من فضلك قيـم هذه المقالة :
نجمه واحدهنجمتان3 نجوماربع نجومخمس نجوم (5 صوت, بتقييم: 4.60 من 5)
Loading...


عن الكاتب

كاتب و محاضر في مجال التنمية الذاتية و الصحة النفسية درس الصحة النفسية و علم النفس في كليه التربية رسالتي : احداث التغيير الايجابي في حياة الاخرين و مساعدتهم علي الانتقال الي اعلي درجات السواء النفسي
  • تواصل مع ESlam khames: