خبره ثماني سنوات (قصه قصيره)


خبره ثماني سنوات (قصه قصيره)
-عجوز

خبره ثماني سنوات

.. في احدي معامل التحاليل.. يجلس رجل عجوز تظهر علي وجهه علامات الشيخوخه واليأس ويكح بصوت عالي جدا بسبب صدره الملئ بثاني أكسيد الكربون من كثره التدخين وتحت جفنيه علامات سوداء من عدم الراحه والافراط في شرب القهوه….. وجه عابس,متشائم… يجلس بجانبه ام
تضع ابنتها التي تبلغ من العمر ثماني سنوات علي قدميها وتظهر علي وجهها علامات الخوف.., اما الفتاه فكانت مبتسمه جداً ذات وجه طفوليً بشوش وبرئ  وتمسك بيدها اليمني علبه عصير صغيره .. كل معاني البراءه والجمال في هذه الفتاه الصغيره……… حتي يتم المناده علي رقم الام لتدخل لتستلم تحاليل ابنتها… وتطلب من الرجل العجوز ان يبقي عينيه علي ابنتها حتي تعود ………… تضع الفتاه علي الكرسي بجانب الرجل ثم تذهب في عجله من امرها..
_____________

الفتاه: ازيك يا جدو..


الرجل: *ينظر بنصف عين*

الفتاه: جدو…؟ *وهي تهز ذراعه*

الرجل: عايزه ايه يابنت انتي.. انت تعبان ودماغي مصدعه اقعدي ساكته بقا.

الفتاه: تعبان مالك يا جدو..؟

الرجل: *بضحكه ساخره خفيفه*  لا مفيش يا ستي احتمال يبقا عندي السكر بس زياده علي الضغط والتهاب في الرئه الي عندي

الفتاه: طب انت كل ده جالك منين .. هيا الامراض الوحشه دي بتيجي لوحدها كدا..؟…. اصل الاستاذه عندنا في الفصل كل اما تكلمنا علي مرض بتقولنا سببو..

الرجل : الضغط وارثو عن ابويا الله يرحمو انما الالتهاب الرؤي بسبب السجاير

الفتاه: طب كنت بتشرب سجاير ليه …

الرجل: *يسكت لمده نصف دقيقه*   بس يابنت اقعدي بقا كدا واهدي شويه ماما زمانها جايه اهي…

الفتاه: مهو كل الامراض دي ممكن تخلي الواحد يموت…

الرجل: كدا كدا كلنا هنموت وايه يعني يعني السجاره الي بشربها دي هيا الي هتقصر عمري اقعدي يابنتي اقعدي انتي لسه صغيره اوي لسه قدامك كتير..

الفتاه : بس انا الاستاذه في المدرسه كانت قايلالي ان الموت ملوش معاد ومحدش يعرفو الا ربنا بس…..

الرجل: …. مفيش حاجه في الدنيا تستاهل ..خلاص … ولادي كبرو ونسيوني محدش فاكرني … انا يعتبر ميت اصلاً..

الفتاه: بس انا كنت سمعت في التلفزيون في مره … ان الانسان هو الي بيختار مكانو وهو الي بيحدد مصيرو بأيدو مش الزمن …الزمن مجرد حاجه مفروغ منها هتعدي هتعدي المهم انت هتعمل ايه في الي جي مهما كان طول فترته… وكمان كان في حديث باخدو في المدرسه بيقول (قال رسول الله صلي الله عليه وسلم. ” إذا قامت الساعة وفي يد أحدكم فسيلة فليغرسها” )
معناه ان الانسان يفضل يعيش ويكافح في الحياه لاخر لحظه مش يعتبر نفسو ميت كدا وخلاص زيك

الرجل: * ينظر في دهشه الي الفتاه من خبرتها البسيطه وطريقتها الرائعه في الكلام والنقاش ويبتسم ابتسامه خفيفه جدا*

_____
ثم يلمح الرجل والده الفتاه تأتي من اخر الردهه تبكي بحزن وحراره شديده.. ثم يوقفها…

الرجل: مالك يابنتي في ايه..؟

الام: البنت ياحج…طلعت مريضه “بسرطان البنكرياس” …

الرجل: * يحزن الرجل الي ان تنزل قطره من دموعه وهو ينظر الي تلك الفتاه الجميله والمتفائله والرقيقه المريضه بمرض من اخضر امراض هذا الكوكب…
___

تجري الام نحو ابنتها  لترفعها علي كتفها وهي تمشي … وتبتسم تلك الفتاه للرجل  في براءه وهي تلوح بيدها له لتودعه.. وهو واقف في الردهه يتأمل وجهها ويتذكر كلامها… ليسمع صوت من الخلفيه بموظفه الاستقبال تقول رقمه… يدخل الي المكتب ليستلم تحاليله ويطلب من الدكتور قرائته له.. الدكتور

الدكتور: اطمن ياحج انت سليم 100% معندكش سكر ولا حاجه..يادوبك هوا الضغط وادي الدوا بتاعه .. والالتهاب الرئوي انشاء الله خلاص قريب جدا علامته هتروح وتبقا تمام التمام * بابتسامه خفيفه*

___________________

يمشي هذا الرجل في الشارع عائداً الي منزله لا يكف عن التفكير في هذه الفتاه وهو يعيد التفكير في وجهه نظره عن حياته…

التعليق من فيس بوك

Like
Like Love Haha Wow Sad Angry

تقييم القراء. من فضلك قيـم هذه المقالة :
نجمه واحدهنجمتان3 نجوماربع نجومخمس نجوم6 نجوم7 نجوم (لم يتم التقييم من قبل ..كن أول من يقيم هذه المقالة)
Loading...


عن الكاتب

زائر
عضويه غير حقيقيه تنسب اليها المحتوى الذى يضيفه الزوار
  • تواصل مع زائر: