حكاية وطن


 

كان ياما كان                                          يا سعد يا اكرام

كان فى مره زمان                                  بطل اسمه فلان ابن فلان


قام فلان من نومه                                وبسرعه لم هدومه

باس ايد أمه                                        وجرى يلحق يومه

قابله أبوه على الباب                            صباح الخير يا أبويه

صباح الخير يا فلان                            مالك كده قربان وبسرعه بتجرى كمان

قاله أدعى لى يا أبويه                         قاله يجعل نهارك ورد وفل وريحان

ينجيك من كل شر وضيق                   فى كل زمان ومكان

رايح فين يا فلان                               رايح أخدم وطنى وبدمى أضحى كمان

علشان أبويه وأمى وأختى                 والكل يعيش فرحان

قاله روح يا حبيبى                             فى حفظ الرحمن

قابل فلان حبيبته                              ووعدها وعود كتير

قال مش ممكن أرجع                        غير وفى أيدى أسير

فداكى روحى يا بلدى                      أعلنها بكل ضمير

سافر فلان على جيشه                   علشان يحمى الحدود

وبدعوة أمه تقول                          يا رب فى يوم يعود

وقف فلان بسلاحه                         وكان أسد مغوار

وبطلقه خاينه فى ضهره                 مكملش المشوار

فرش بدمه الأرض                         علشان يحمى الأحرار

فداكى روحى يا بلدى                   ولا واحد من الأشرار

يرفع سلاحه فى وشك                ولا يهين الأخيار

التعليق من فيس بوك

Please complete the required fields.
اختر سبب التبليغ واكتب تفاصيلة .. ويمكنك ايضا التبليغ بشكل اسرع عن طريق صفحتنا فى فيس بوك



Like
Like Love Haha Wow Sad Angry
41

تقييم القراء. من فضلك قيـم هذه المقالة :
نجمه واحدهنجمتان3 نجوماربع نجومخمس نجوم (2 صوت, بتقييم: 4.00 من 5)
Loading...


عن الكاتب

حنان عاشور كاتبه فى موقع مقالاتى أحب القصص والخيال والشعر